कपड्याच्या दुकानाला भीषण आग 7 जणांचा गुदमरून मृत्यू
bargal
संभाजीनगर / प्रतिनिधी - छावणी दाना बाजार गल्लीतील महावीर जैन मंदिरच्या बाजूलाअसणाऱ्या कपड्याच्या दुकानाला आज पहाटे 3 वाजण्याच्या सुमारास भीषण आग लागल्याची घटना घडली. यामध्ये दुकानाच्या वरच्या मजल्यावर राहणाऱ्या 7 जणांचा गुदमरून दुर्दैवी मृत्यू झाला आहे. मृतांमध्ये तीन महिला आणि दोन मुलांचाही समावेश आहे.
एकाच कुटुंबातील सात जणांचा मृत्यू
छत्रपती संभाजीनगर शहरात आगीच्या घटनेत एकाच वेळी सात जणांचा मृत्यू झाल्याची धक्कादायक बातमी समोर येत आहे. शहरातील छावणी परिसरातील जैन मंदिराजवळ असलेल्या एका तीन मजली इमारतीला मध्यरात्री अचानक आग लागली. या आगीत एकाच कुटुंबातील सात जणांचा मृत्यू झाल्याची माहिती समोर येत आहे. घटनेची माहिती मिळताच पोलिसांनी अग्निशमन दलाने घटनास्थळी धाव घेतली. मात्र, तोपर्यंत सात जणांचा दुर्दैवी मृत्यू झाला होता. मृतदेह शासकीय घाटी रुग्णालयात पाठवण्यात आले असून पोलिसांकडून पंचनामा केला जात आहे.
